Bara átta sjálvtøkur um alt landið

Sjálvtøkurnar hjá Betri banka verða færri.

Bankin tekur fleiri sjálvtøkur niður, og ætlanin er, at bara átta skulu vera eftir kring landið.

Orsøkin er, at tað loysir seg ikki hjá bankanum at hava sjálvtøkur, sigur Olav Guttesen, stjóri.

Tær átta sjálvtøkurnar, sum Betri banki nú hevur eftir, eru í Vestmanna, Miðvági, Saltangará, við Norðskála, í Havn, í Klaksvík, á Sandi og á Tvøroyri.