LV-stjórin: Minni umsiting og meiri asfalt

Ov nógvur peningur er farin til umsiting, og ov lítið hevur verið brúkt til kjarnuvirksemið hjá stovninum.

Tað sigur Sigurd L. Lamhauge, stjóri í Landsverki, sum í dag hevur latið landsstýrismanninum í samferðslumálum eina frágreiðing um bygnaðarbroytingar á stovninum.

Les frágreiðingina, sum Sigurd L. Lamhauge hevur latið landsstýrismanninum í samferðslumálum her

Broytingarnar hava við sær, at átta fólk verða søgd úr starvi, men Sigurd L. Lamhauge leggur dent á, uppsagnirnar hava einki samband við byggimálini, sum Landsverk hevur varðað av seinastu árini.

Hoyr samrøðu, sum Rólant Waag Dam gjørdi við stjóran á Landsverki í útvarpstíðindunum.