Umhugsa at leggja málið fyri Gerðarrættin

10.01.2019 - 12:41
AktueltSamfelag
Umhugsa at leggja málið fyri Gerðarrættin
Akademikarafelagið umhugsar at kæra Samferðslumálaráðið fyri Fasta Gerðarrættin eftir broytingar á Landsverki
 

Samferðslumálaráðið boðaði í gjár frá, at ráðið heldur seg hava hildið sáttmálan, sum er millum Akademikarafelagið og Fíggjarmálaráðið, tá landsstýrismaðurin fyri jól umskipaði Landsverk úr fýra deildum niður í tríggjar. 

Tvørturímóti, sigur Akademikarafelagið: sáttmálin er brotin, tí eingin viðgerð ella hoyring var, áðrenn Heðin Mortensen umskipaði stovnin, sum krav er um í sáttmálanum. 

Felagið kærdi landsstýrismannin, sum umframt samferðslumál eisini umsitir arbeiðsmarknaðarmál.

Í kæruni skrivar felagið:

- Akademikarafelag Føroya ger við hesum vart við, at framferðin hjá landsstýrismanninum í samferðslumálum og arbeiðsmarknaðarmálum er í stríð við áseting í sáttmálanum og at meta sum sáttmálabrot.

Svarið kom í gjár, og í tí sigur Rúni Joensen, aðalstjóri, at tey ikki meta, at broytingarnar vóru brot á sáttmálan og vísa annars Akademikarafelagnum til Fasta Gerðarrættin, um felagið er av aðrari áskoðan.

Akademikarafelagið viðger nú svarið og um felagið skal leggja málið fyri Gerðarrættin.

Umstríddu broytingarnar á Landsverki hjá Heðini Mortensen fyri jól vórðu annars strikaðar mánadagin av sama landsstýrismanni. Landsverk hevur sostatt aftur fýra deildir nú, umframt at ein fyribilsstjóri er settur fyri Ewald Kjølbro. 

Akademikarafelagið hevur eisini kært handfaringina hjá Heðini Mortensen til Løgtingsins Umboðsmann.

Heðin Mortensen, landsstýrismaður sigur í lesarabrævi, at Akademikarafelagið ístaðin fyri at kæra seg til til "hesi og hasi", sum hann málber seg, átti at havt tosað seg til sættis við landsstýrismannin.

Í skrivinum sigur hann eisini, at Løgtingsins umboðsmaður nú hevur biðið um eina frágreiðing, og at hon fer at koma "ein av nærmastu døgunum".

 
Nýggjastu sendingar í ÚV
Fríggjadag 5. juni
Morgunlesturin fríggjadagurin 5.juni 2020
109488
Hósdag 4. juni
Kvørnin: "Illusions", Heiðrik
109739
Hósdag 4. juni
Breddin
109740
Hósdag 4. juni
Nón 4. juni - á Norðoyastevnu
109738
Hósdag 4. juni
Mono - Disco (4:5)
109723
Nýggjastu sendingar í SV
Mánadag 1. juni
Andakt við Emil Olsen, presti
109624
Mánadag 1. juni
Guðstænasta úr Fuglafjarða kirkju
109572
Sunnudag 31. mai
Andakt við Emil Olsen, presti
109555
Sunnudag 31. mai
Guðstænasta úr Glyvra kirkju.
109558