Vindorka hevur spart SEV 125 mió. kr. í olju

Vindorkan í Føroyum hevur gjørt, at góð 104 túsund tons av olju eru spard og 344 túsund tons av CO2 útláti.

Tað sigur SEV í sambandi við, at altjóða vinddagur var mánadagin.

Vindorkan hevur spart SEV 120-125 milliónir kr. í olju.

Heri Mortensen, framleiðslustjóri hjá SEV, sigur, at ein góðan dag framleiðir SEV streym úr vindorku til umleið helvtina av øllum sethúsum í Føroyum.

Hann sigur, at málið er framvegis, at orkan frá SEV skal verða grøn burturav í 2030.