Streymnýtslan vaksin sjey prosent í ár

Fyrstu tríggjar ársfjórðingarnar í ár gjørdi SEV sjey prosent meira streym enn somu tíð í fjør.

SEV gjørdi 296 gigawatttímar, sum er tað mesta higartil.

Grøni streymurin var 103,1 GWT. Hetta er eitt vet minni enn í fjør, tá SEV gjørdi 104,5 GWT úr vindi og vatni.

Sólorka eisini við

Minni fekst burturúr vindinum í ár, men meira burturúr vatninum, og í ár er sólorka eisini við í tølunum.

Orsøkin er, at fýra myllur hava ikki malið í nógvar mánaðir, tí tær hava brek. 

Í september var olja brúkt til at gera 58 prosent av streyminum, vatn til 28 prosent, vindur til 14 prosent og 0,04 prosent fingust úr sólini á Krossinum í Sumba.

Sólorkan gav miðal-mánaðar-nýtsluna hjá 38 húskjum í september.