Kappróðurin byrjar seinni enn vant á fjarðastevnu

Í Vestmanna eru tey klár til fjarðastevnu og kappróður. Tey skipa kappróðurin eitt sindur øðrvísi enn vanligt, tí fjørðurin er smalri í ár orsakað av fleiri aliringum.

Kappróðurin byrjar kl. 16.00 og verður tí eisini liðugur seinni enn vanligt í kvøld.

Elin Jacobsen, forkvinna í kappróðrarnevndini hjá VÍF, væntar, at tey fáa ein góðan í Vestmanna í dag.

Fjarðastevna er ávirkað av korona, og tí eru ikki nógv tiltøk, men har verður útimøti, summarbál, grilling og konsert.

Kappróðurin verður vístur í sjónvarpinum og varpaður í útvarpinum. Kringvarpið byrjar at senda kl. 16.10 og vænta, at kappróðurin er liðugur um 19 tíðina.