Íslendingar herða átøkini móti koronu

Heilsumyndugleikarnir í Íslandi kunngjørdu í gjár, at á middegi í dag verða átøkini móti koronu herd.

Fyrradagin varð staðfest, at 10 fólk aftrat hava fingu smittuna.

Tilsamans eru 39 fólk smittað í Íslandi, og 215 fólk eru í sóttarhaldi.

Nú  skulu íslendingar aftur halda tveir metra frástøðu, og markið fyri, hvussu nógv kunnu savnast, verður 100. Tað hevur verið 500. 

Hoyr samrøðu, sum Tróndur Olsen gjørdi við Petur Petersen, sendimann Føroya í Reykjavík, í útvarpstíðindunum.