Nú er fult á koronudeildini á LS

Fýra fólk liggja nú á koronudeildini á Landsjúkrahúsinum.

Deildin heldur til á A3, og har er nú vorðið so trongt,  at skulu fleiri leggjast inn, mugu tey fara á B7.

Tað hevur aftur við sær, at sjúklingar á B7 mugu flytast á aðrar deildir á Landssjúkrahúsinum, ella á hini bæði sjúkrahúsini í landinum.

Ein lon til koronusjúklingar verður sett upp á økinum við Landssjúkrahúsið, men ivasamt er, um hon verður liðug 1. september sum ætlað.

Hoyr samrøðu við Steinar Eirikstoft, forstjóra í sjúkrahúsverkinum.