Føroyar fáa eisini koppingarevni fyri Covid-19

ES-nevndin hevur gjørt avtalu við heilivágsfyritøkuna AstraZeneca, ið tryggjar ES-londunum 300 milliónir eindir av einum koppingarevni fyri Covid-19, sum fyritøkan er í holt við at menna.

Hóast Føroyar ikki eru limir í ES, so eru vit kortini ein partur av avtaluni gjøgnum danska kongsríkið.

Danski heilsumálaráðharrin hevur upplýst, at Danmark hevur tryggjað sær koppingarevni til umleið 2,4 milliónir danir, umframt til føroyingar og grønlendingar.

Men hvussu nógv koppingarevni er sett av til føroyingar, er óvist enn, sigur Kaj Leo Holm Johannesen, landsstýrismaður í heilsumálum.