Kanna á Farstøðini, tá Smyril er farin

Ongar koronukanningar verða á eystaru bryggju í Havn, fyrr enn Smyril er farin til Suðuroyar seint seinnapartar.

Og tí verður eingin ruðuleiki á havnarøkinum, sigur Rúni Vang Poulsen, stjóri í Smyril Line.

Kanningarnar verða flestu dagar frá klokkan 17 til 19, men onkrar dagar verða tær aðrar tíðir. Kanningarnar verða gjørdar í hølunum, sum Taks vanliga nýtir, tá ið Norrøna liggur við bryggju.