Nú eru 25 fólk smittað

Tveir smittutilburðir aftrat vórðu staðfestir í gjár, og bæði fólkini eru partur av kendari smittuketu, skrivar corona.fo. 

 3.687 kanningar eru gjørdar seinasta samdøgrið. Enn eru 53 kanningar eftir at greina.

Tilsamans eru nú gjørdar 267.795 kanningar.

Í løtuni eru 25 fólk smittað.

410 fólk eru skrásett at vera í sóttarhaldi, men hetta talið skal takast við stórum fyrivarni, tí skrásetingin er ikki liðug.

Talið verður óivað størri, tá ið liðugt er at skráseta, væntandi seinni í dag, skrivar corona.fo