Allir lønarbólkar missa

At kalla allir lønarbólkar missa, um uppskotið hjá landsstýrinum at broyta ískoytisskipanina fyri fólk í tillagaðum starvi verður samtykt.

Tað sigur Sonja Jógvansdóttir, samskipari í Samtaki. Hon umboðar eisini Fakfelagsráðið, sum í gjár mótmælti broytingunum, sum landsstýriskvinnan í almannamálum hevur skotið upp.

Fakfelagsráðið sigur, at lønmóttakarar missa fleiri túsund krónur um mánaðin, um ískoytisskipanin verður broytt.