Størsta verkætlanin verður vígd í dag

Seinnapartin í dag vígir Jógvan Fríðriksson, biskupur, nýggja Skúlan við Streymin.

Skúlin er størsta verkætlan í Sunda kommunu, og hann fer at hýsa næmingum frá 1. til 10. flokk.

Í nýggja skúlanum, sum er bygdur upp í gamla skúlan, verða 242 næmingar og 35 starvsfólk.

Umframt næmingar í Sunda kommunu, ganga næmingar í Eiðis kommunu í hádeildini í Skúlanum við Streymin.

Hoyr samrøðu við Sonna Djurhuus, skúlastjóra, og Heðin Zachariasen, borgarstjóra, í útvarpstíðindunum.

Her eru nakrar myndir av nýggja Skúlanum við Streymin, sum eru tiknar í dag.