Fara at biðja um fleiri undantøk

Landssjúkrahúsið noyðist at biðja um fleiri undantøk, nú sjúkrarøktarfrøðingarnir fara at herða verkfallið.

Seinnapartin hósdagin fara umleið 25 sjúkrarøktarfrøðingar á B8 á Landssjúkrahúsinum eisini í verkfall.

Margit Stórá, varastjóri, sigur, at neyðugt verður at biðja um fleiri undantøk, so seingjardeildin á B8 kann verða mannað alt samdøgrið.

Hon sigur, at verkfallið er nú farið at merkjast á øllum Landssjúkrahúsinum.

Hoyr samrøðu, sum Sigrún Brend gjørdi við Margit Stórá, í útvarpstíðindunum.