Uppboðssølan skal hjálpa virkjum

- Tað er fyri at hjálpa teimum virkjum, sum ikki hava skip, at fáa fisk, at nú verður kravt, at í minsta lagi 30 prosent av botnfiski, sum er fiskaður í føroyskum ella íslendskum sjógvi, skal seljast á uppboði í Føroyum.

Kravið kemur í gildi á nýggjárinum, sigur Jacob Vestergaard, landsstýrismaður.

Heimildin er í lógini um sjófeingi, og nú er kunngerðin til hoyringar.

Seljast skal á góðkendari uppboðssølu í Føroyum.

Talan er um tosk, hýsu, upsa, kongafisk, brosmu, longu, havtasku og svartkalva.

Hoyr samrøðu við Jacob Vestergaard í útvarpstíðindunum.