Ein avbjóðing at vera nýggjur kommunustýrislimur

Tað kann vera ein avbjóðing fyri kommunurnar, at meira enn helmingurin av kommunustýrislimunum eru nývaldir. Tá er umráðandi við eini góðari fyrisiting.

Tað sigur Eyðun Christiansen, stjóri í Kommunufelagnum, sum umboðar allar 29 kommunurnar í landinum.

Kommunufelagið fer fyrst í nýggja árinum at skipa fyri skeiði, har kommunustýrislimirnir læra millum annað fyrisitingarlóg og kommunulógina.