- Tíðindi, mentan og ítróttur
Ákærin vil hava allar tríggjar í varðhaldi
Nevningatingið um stóra rúsevnismálið er útsett til februar næsta ár. Hóast teir tríggir, sum eru ákærdir í málinum, hava verið varðhaldsfongslaðir síðani 21. november í fjør - so krevur ákæruvaldið framhaldandi, at teir verða varðhaldsfongslaðir, til dómur fellur í málinum.
Í gjár var rættarfundur um varðhaldsfongslingina, og Føroya rættur gjørdi av at tveir av teimum ákærdu skulu latast leysir, ímeðan tann eini framvegis skal vera í varðhaldi.
Avgerðin er kærd til Eystara Landsrætt, við tí sum á donskum eitur opsættende virkning.
Tað vil siga, at teir tríggir ákærdu framhaldandi sita varðhaldsfongslaðir inntil Eystari Landsrættur er komin við sínum úrskurði.
Trýst á pílin undir myndini fyri at hoyra samrøðu, sum Jógvan Skeel Nolsøe gjørdi við Michael Boolsen, ákæra, eftir rættarfundin í gjárkvøldi.
Tak niður