Formaðurin: Skipanin eigur at verða broytt

Miðlastuðulin tekur lívið av teimum smáu miðlunum, tí hann verður givin út frá skeivum fortreytum.

Tað sigur Jóanis Albert Nielsen, sum starvast á miðlinum jn.fo, sum ongan stuðul fekk í ár.

Nýggi formaðurin í miðlastuðulsnevndini, Eirikur í Jákupsstovu, heldur, at skipanin eigur at verða broytt.

Sosialurin fekk aftur í ár størstu upphæddina. Tey fingu umleið 700.000 krónur av teimum báðum milliónunum.

Miðilin R7, sum hevur boðað frá, at hann gevst á nýggjárinum, fekk knappar 200.000 krónur, tí miðlastuðulin verður latin út frá lønarútreiðslum og virksemi, sum hava verið.