Verulig ferð kemur á koppsetingina í februar

Verulig ferð kemur ikki á koppsetingina av føroyingum fyrr enn í februar, og tá skulu vit vænta at fáa nóg mikið av koppingarevni til at koppseta fólk í stórum tali hvønn dag.

Tað sigur Hjalti Gunnarstein, landsapotekari, ið hevur ábyrgdina av innflutninginum av koppingarevni.

Í næstu viku fær Apoteksverkið aftur 195 gløs av Pfizer-koppingarevninum, sum merkir, at tá kunnu aftur millum 1.000 og 1.100 føroyingar koppsetast.

Sambært landsapotekaranum fáa vit stundum 195 gløs um vikuna og stundum 195 gløs aðru hvørja viku.