Fara undir tunnilsarbeiðið í summar

Gongst sum ætlað, verður farið undir tunnilsarbeiðið norður um Fjall tíðliga í summar. Arbeiðið verður boðið út um miðjan februar

Tað sigur Sigurd L. Lamhauge, stjóri á Landsverki.

Løgtingið samtykti í dag einmælt við aðru viðgerð at hækka játtanarkarmin til báðar tunlarnar upp í 522 milliónir kr. Tað eru 270 milliónir meira enn í 2009, tá upprunaliga verklagslógin varð gjørd.

Uppskotið skal hava eina viðgerð aftrat í tinginum, og hon verður týsdagin. 

Stjórin á Landsverki sigur, at stórur prísvøkstur hevur verið seinastu árini, og haraftrat eru trygdarkrøvini nógv herd.

Hoyr innslag í útvarpstíðindunum.