Eingin radari uttan fulla semju við føroyingar

Tíðindini um, at flokkar í fólkatinginum hava gjørt semju um at brúka 390 milliónir kr. til ein radara á Sornfelli, í sambandi við ætlanina ætlanini at styrkja verjuna í Arktis, hevur fingið øði í Høgna Hoydal, formann í Tjóðveldi.

Tá munnligir fyrispurningar vóru í tinginum í dag, setti Høgni Hoydal løgmanni ein spurning um hernaðarmál. Hann spurdi eisini um radaran.

Bárður á Steig Nielsen, løgmaður, svaraði, at eingin radari veðrur sett upp í Føroyum uttan í fullari semju við føroyingar.

- At verjumálaráðharrin hevur gjørt semju við flokkar í fólkatinginum um málið, fái eg ikki gjørt so nógv við, segði løgmaður.

Hoyr Høgna Hoydal og Bárð á Steig Nielsen í innslagnum.

Meiri verður at frætta í útvarpstíðindunum klokkan 18.