Smyril Line endaði á akuttlista hjá læknastjóranum

Eigarin av Smyril Line ringdi til læknastjóran og spurdi eftir koronukoppseting til sín sjálvs og nøkur lyklastarvsfólk í fyritøkuni. Tey endaðu á einum akuttlista hjá Tummasi í Garði, og vórðu koppsett 15. januar.

– Vit vóru trilvandi í byrjanini av koppsetingartilgongdini, sigur Tummas í Garði í dag.

Læknastjórin, sum eisini er limur í koppsetingarnevndini, vísir aftur, at hann stendur í skuld til Smyril Line, sum hevur staðið fyri stórum parti av arbeiðnum við koronukanningum

Smyril Line hevur eisini bjóðað sær til at vera við í koppsetingararbeiðnum, tá ið stóra fjøldin av føroyingum skal koppsetast.