Betri busssamband krevur eykajáttan

Skal busssambandið millum Havnina og Klaksvík betrast, verður neyðugt við eykajáttan.

Tað sigur stjórin í Strandfaraskipum Landsins, Hilmar Eliasen, nú stór misnøgd er um nýggju ferðaætlanina millum Havnina og Klaksvík, sum í løtuni er til almenna hoyring.

Hilmar Eliasen sigur, at ein arbeiðsbólkur fer at taka saman um viðmerkingarnar, sum koma, tá hoyringarfreistin er farin.

Ætlanin er, at nýggja ferðaætlanin skal koma í gildi 1. apríl.