Bussur feyk í Kollafjarðardali

Ein bussur feyk av vegnum og koppaði í Kollafjarðardali tíðliga í morgun.

Bussførarin var einsamallur í bussinum, sum ikki var byrjaður at koyra eftir ferðaætlanini.

Bussførarin var fluttur á Landssjúkrahúsið til kanningar.

Óhappið hendi 400 metrar norðan fyri omankoyringina til Búnaðarstovuna.

Bussurin var á veg suðureftir.

Politiið sigur, at so nógvur vindur var í Kollafjarðardali í morgun, at ringt var hjá teimum at arbeiða á óhappsstaðnum.