- Tíðindi, mentan og ítróttur
Skjóta dómin inn fyri landsrættin
08.04.2021 - 12:47
Innlendis›Samfelag
Skjóta dómin inn fyri landsrættin
Ákæruvaldið fer at kæra dómin í stóra pedofilimálinum, tí ivi er um, um herðingin í donsku revsilógini er við í tí føroysku.
![](https://kvf.fo/sites/default/files/styles/news_xtra_xtra_large/public/img_3232.png?itok=yw4CACik)
Ákæruvaldið skjýtur dómin í stóra pedofilimálinum inn fyri landsrættin.
Føroya rættur dømdi í síðstu viku 42 ára gamla Kim Anders Olai Nielsen trý ára fongsulsrevsing fyri at hava kynsliga misnýtt tríggjar dreingir.
Dómurin í Føroya rætti stendur ikki mát við tað, sum ákæruvaldið kravdi áðrenn rættarmálið móti nú dømda manninum byrjaði.
Ákæruvaldið kravdi, at maðurin varð dømdur til forvaring, og at hann ikki skuldu latast leysur aftur, fyrr enn greitt var, at hann ikki kundi gera seg inn á fólk. Og í øðrum lagi kravdi ákæruvaldið fongsulsrevsing í átta ár.
Tað er millum annað tí, at málið nú skal roynast í landsrættinum, sigur Mads Strandberg Petersen, ákærufulltrúi.
Tak niður
Nýggjastu sendingar í ÚV
Nýggjastu sendingar í SV