Tørvur á at útbúgva fleiri heilsurøktarar

Tørvur er á fleiri heilsurøktarum, og Heilsuskúlin eigur at taka fleiri næmingar inn, nú tað aftur er staðfest, at brúk verður fyri fleiri hundrað starvsfólkum aftrat á heilsuøkinum og eldraøkinum næstu árini.

Tað sigur Heilsurøktarafelagið, sum hevur havt aðalfund.

Rakul í Gerðinum, forkvinna í Heilsurøktarafelagnum, sigur, at um sum heild støðast heilsurøktarar væl í starvinum, men vilja hava størri menning, og tí er tørvur á eftirútbúgving.

Hoyr innslag í útvarpstíðindunum.

Nýggja nevndin í Heilsurøktarafelagnum, frá vinstru: Malan Hansen, Rakul í Gerðinum, Linda Arnfríðardóttir Jacobsen, Bingerð Hjalmarsdóttir og Louisa Maria Eliasen.