Hetta er ímóti øllum tí, sum læknar hava lært

Tað hevur vakt stóran ans, at Jenis av Rana, landsstýrismaður, hevur sagt í samrøðu við Vágaportalin, at hann fer ikki at koppseta seg fyri koronu, fyrr enn tað er greitt, hvørjar eftirfylgjur kunnu standast av koppsetingini.

Jenis av Rana sigur við útvarpið, at málið um koppingarevni fyri koronu er ímóti øllum tí, sum læknar hava lært, tí tað tekur vanliga fleiri ár at menna vaksinur og heilivág. Men koppingarevnini fyri koronu hava fingið undantaksloyvi.

Marnar Fríðheim Kristiansen, lækni, sigur hinvegin, at tað eru nógv, sum hava fingið eftirfylgju, tí tey hava havt koronu.

Hann sigur eisini, at nógv kunnu ikki koppsetast, eitt nú ung undir 16 ár, barnakonur og kvinnur, sum geva bróst. Tey kunnu ikki verjast, um vit ikki fáa floksimmunitet gjøgnum koppseting, sigur Marnar Fríðheim Kristiansen.

Hoyr innslag í útvarpstíðindunum.

Marnar Fríðheim Kristiansen