Miðstøðin eisini týdning fyri heilsugransking

Heilsumálaráðið og Novo Nordisk Grunnurin hava gjørt samstarvsavtalu um diabetesmiðstøð í Føroyum.

- Hetta er fyrsta stig á leiðini, sigur Kaj Leo Holm Johannesen, landsstýrismaður í heilsumálum. Hann sigur, at miðstøðin fær eisini týdning fyri heilsugranskingina í Føroyum.

Diabetesambulatoriið á Landssjúkrahúsinum verður umskipað til eina diabetesmiðstøð, sum verður nevnd Steno Diabetes Miðstøð Føroya.

Landsstýrismaðurin vil ikki avdúka, hvussu stóra upphædd Novo Nordisk Grunnurin fer at lata, men talan er um eina stóra upphædd, og avgjørt er, hvussu pengarnir skulu nýtast, sigur hann.

Hoyr ljóðbrot við Kaj Leo Holm Johannesen.

H-bygningurin, Landssjúkrahúsið