Norðurlandahúsið skal spara 3 mió. kr. næstu árini

Norðurlandahúsið í Føroyum skal spara tríggjar milliónir frá í ár til 2024. Játtanin fer úr 14 milliónum niður í 11 milliónir í 2024.

Orsøkin er, at Norðurlendska Ráðharraráðið hevur lagt eina ætlan um at verða mesta burðadygga økið í heiminum í 2030, og í tí sambandi verða sparingar framdar á mentanarøkinum og á útbúgvingarøkinum fyri at hava pening til grøna orkuskiftið.

Sambært fíggjarætlanini hjá Norðurlendska Ráðharraráðnum fer sparingin á mentunarøkinum at vera 18 prosent og 17 prosent á útbúgvingarøkinum.

Mentanarnevndin í Norðurlandaráðnum hevur á fundi í Norðurlandaráðnum 28.-30. juni átala sparingarnar.

Gunn Hernes, stjóri í Norðurlandahúsinum sigur, at vónandi sleppur hon undan at siga fólk úr starvi, men tað fer at merkjast, at húsið skal seta so stórar sparingar í verk. Longu í ár verða sparingar fyri 700.000 krónur framdar.