Málið er at sameina ymisku meiningarnar um málið

06.07.2021 - 15:56
InnlendisSamfelag
Málið er at sameina ymisku meiningarnar um málið
Tað eru nógvar meiningar um føroyska málið, og føroyska málkjakið kann onkuntíð gerast heitt. Tí er málið at sameina føroyingar um føroyska málið, sigur nýggja forkvinnan

Tað eru nógvar meiningar um føroyska málið, og føroyska málkjakið kann onkuntíð gerast heitt.

Ein tann fremsta uppgávan hjá Málráðnum er at sameina tær mongu ymsu meiningarnar um føroyska málið.

Tað heldur Helena Kannuberg, sum er nýggj forkvinna í Málráðnum.

 

Føroyskt væl fyri

Føroyska málið er væl fyri, men vit eiga ikki at taka okkara mál fyri givið, sigur Helena Kannuberg.

"Ein avbjóðing er, at talið av borgarum í Føroyum, sum ikki duga føroyskt, veksur."

Ein onnur avbjóðing hjá føroyska málinum er,sambært Helenu Kannuberg, at føroyskt ikki er so sjónligt á talgildu pallunum, sum serliga ungir føroyingar brúka nógv.

 

Sameinandi leiklut

Tað verður kjakast nógv um føroyska málið. Ein uppgáva hjá Málráðnum er at sameina tær mongu meiningarnar, sum eru um okkara mál.

Nýggja forkvinnan heldur, at Málráðið hava ein stóran leiklut í varðveitsluni og menningini av føroyska málinum.

Tilsamans 11 limir eru í Málráðnum, sum síðani skipar seg í eina starvsnevnd við fimm limum.

Nýggja Málráðið er valt fyri tíðarskeiðið frá 1. juli 2021 til 30. juni 2025.

 
Er kopiera

Tak niður

Nýggjastu sendingar í ÚV
Leygardag 15. juni
Upp á tá - 150624
176790
Leygardag 15. juni
Jambalaja - 150624
176785
Leygardag 15. juni
EM tíðindi - 150624
176776
Leygardag 15. juni
Vikan 15. juni 2024
176774