Eftirmeting um Málráðið kemur ikki í løgtingið

Eftirmeting um Málráðið kemur ikki í løgtingið
Ein nýggj frágreiðing kemur so skjótt sum til ber, væntandi í summar ella í heyst, sigur landsstýriskvinnan í mentamálum
Eftirmetingin um Málráðið frá 2016 er ikki tíðarhóskandi longur, sigur Sirið Stenberg, landsstýriskvinna.
 
01.03.2023 - 09:02

Eftirmetingin um Málráðið frá 2016 verður ikki løgd fyri løgtingið.

Hon er ikki tíðarhóskandi longur.

Ein nýggj frágreiðing kemur so skjótt, sum til ber, væntandi í summar ella í heyst.

Tað sigur Sirið Stenberg, landsstýriskvinna, sum hevur svarað spurningi frá Johan Dahl, tingmanni, um Málráðið.

 

Johan Dahl, løgtingsmaður, spurdi um Málráðið. (Mynd: Bjarni Árting Rubeksen)

 

Ætlanin er at gera eina frágreiðing sambært lóg um málráð. Frágreiðingin skal siga, um lógin virkar eftir ætlan.

Kannast skal eisini, um til ber at áseta reglur um Málráð, Staðarnavnanevnd og Navnanevnd í somu lóg, sigur Sirið Stenberg í svarinum. 

Hon fer saman við Málráðnum at gera tíðarætlan, og væntandi byrjar arbeiðið tíðliga í vár.

 

Sirið Stenberg, landsstýriskvinna í mentamálum.

 

Lógin frá 2012 um málráð sigur, at landstýrisfólkið, tá lógin hevur virkað í trý ár, skal leggja frágreiðing fyri løgtingið, um lógin virkar eftir ætlan, og kanna, um til ber at áseta reglur um Málráð, Staðarnavnanevnd og Navnanevnd í somu lóg.

Enn er eingin slík frágreiðing komin í løgtingið, hóast lógin nú er meira enn tíggju ára gomul.

Frágreiðingin, sum var gjørd í 2016, kemur ikki í løgtingið.

Er kopiera
Nýggjastu sendingar í ÚV
Mánadag 24. juni
Morgunlestur mánadagur 24. juni 2024
177126
Sunnudag 23. juni
Guðstænasta í Vágs kirkju
177135
Leygardag 22. juni
Morgunlestur leygardagur 22. juni 2024
176802
Fríggjadag 21. juni
RagnarRokk 20.juni 2024
176048
Nýggjastu sendingar í SV
Leygardag 22. juni
Video: 5mf kvinnur, Jóansøka 2024
177125
Leygardag 22. juni
Video: 10mf, Jóansøka 2024
177123
Leygardag 22. juni
Video: 6mf_menn, Jóansøka 2024
177120