Vera ella verða

Mong ivast í, nær orðið, vera, hevur ð.

Spurningur:
Eg ivist í vera og verða. Tá ein kann brúka bæði, hvat velur ein tá? Til dømis: Onki var sagt. Í hesum døminum kann ein brúka bleiv og er.

- Var hevur sum oftast onki ð, sigur Elin Henriksen, málkøn, og leggur afturat, at um tú ivast í, um vera skal hava ð, lat so vera.

Ein góður máti at vita, um orðið, var, skal hava ð ella ikki, er at seta tað í nútíð.

Sigur tú er í nútíð, fær var ikki ð, sigur tú verður í nútíð, fær orðið ð.

Dømi:
Óli var føddur í 2003.

Í nútíð sigur tú er, tí tú kanst ikki siga, at Óli verður føddur í 2003. 

Avgerðin var tikin í gjár. 

Tú kanst ikki siga: Avgerðin verður tikin í gjár, og tí fær var onki ð.