Oyðileggur arbeiðið hjá Grindamannafelagnum

13.09.2021 - 13:26

Innlendis›Samfelag

Fyrrverandi formaðurin í felagnum er skelkaður av tí, sum hann sá í gjárkvøldið

Aktivera javascript

Hans Jacob Hermansen, fyrrverandi formaður í Grindamannafelagnum, sigur seg vera skelkaðan av tí, hann sá í gjárkvøldið.

Mynd: Bjarni Árting Rubeksen

- Hetta oyðileggur alt tað, sum Grindamannafelagið hevur arbeitt fyri.

Tað sigur fyrrverandi formaðurin í Grindamannafelagnum eftir springaradrápið í gjárkvøldið.

1428 springarar løgdu beinini í Skálafirði, og drápið hevur fest í almenna kjakið, um vit yvirhøvur eiga at drepa springara, og um drápið í gjárkvøldið var nóg væl fyriskipað.

Ein av teimum. sum finst at drápinum í gjár, er Hans Jacob Hermansen, fyrrverandi formaður í Grindamannafelagnum.

Hann var í morgunsendingini í morgun, og hann sigur seg vera skelkaðan av tí, hann sá í gjárkvøldið.

Hans Jacob Hermansen, springaradráp

Hans Jacob Hermansen heldur, at springaradrápið í gjárkvøldið oyðileggur alt, sum Grindamannafelagið hevur arbeitt fyri, og mótstøðufólkini móti grindadrápi fáa øll argument borðreidd. (Myndir: Bjarni Árting Rubeksen)