Lata nú kvotur til vinnuligar royndir

16.09.2021 - 12:20
InnlendisPolitikkur
Lata nú kvotur til vinnuligar royndir
Fiskimálaráðið fekk 51 umsóknir, og tað hevur drigið út at viðgera tær
Kvoturnar av uppsjóvarfiski til vinnuligar royndir og verkætlanir verða latnar fyrsta dagin.

Fyrsta dagin fæst at vita, hvør fær fisk til vinnuligar royndir og verkætlanir í ár.

Tað hevur tikið drúgva tíð at viðgera umsóknirnar, tí 6. juli var freistin at søkja.

51 umsóknir eru at taka støðu til.

Jacob Vestergaard, landsstýrismaður í fiskivinnumálum sigur, at viðgerðin hevur verið drúgv, tí umsóknirnar eru nógvar, og tað kemur ikki óvart á, at fólk ótolnast.

Hetta eru kvoturnar

Kvoturnar til vinnuligar royndir og verkætlanir í ár eru:

7.813 tons av makreli, 10.824 tons av norðhavssild og 18.961 tons av svartkjafti.

Eisini ber til at søkja um ískoytiskvotu av svartkjafti. Har eru 12.640 tons tøk.

Treytirnar eru í kunngerð, sum var lýst í summar.

Sambært henni er harafturat uppsjóvarfiskur, sum ikki bleiv fiskaður í fjør, fluttur til í ár.

Umsøkjara nýtist ikki at eiga fiskifar, men skal hava avtalu við onkran, sum eigur fiskifar. Eisini ber til at keypa fiskifar, sum ikki hevur veiðiloyvi ella fiskiloyvi til vinnuligar royndir og verkætlanir.

Hoyr samrøðu við Jacob Vestergaard í útvarpstíðindunum.
 

 
Er kopiera

Tak niður

Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584