Fýra vilja átaka sær annað byggistig á Giljanesi

Í august varð 2. byggistig av útbyggingini av Skúlanum á Giljanesi boðið út.

2. byggistig rúmar nýggjum fakhølum til m.a. tónleik, evning, handarbeiði, heimkunnleika, lívfrøði/náttúrutøkni og alis-/evnafrøði. Víðkaðir karmar verð til heimastovur og felagsøkir.

Harumframt verða broytingar gjørdar í 1.byggistigið, sum betra um møguleikan fyri serundirvísing, umframt at umstøðurnar hjá lærarum og heilsustarvsfólki eisini verða broytt og betra.

Arbeiðið, sum boðið varð út, var høvuðsarbeiðstøka. Talan var um almenna lisitatión, sambært Løgtingslóg um útbjóðing v.m.

Tað komu fýra tilboð inn.

Nógv fólk var komið saman á kommunuskrivstovuni, har Albert Ellefsen, formaður í bygginevndini fyri 2. byggistig, lat tilboðini upp.

Articon átti lægsta tilboðiði á 34.836.106. Síðan kom Búsetur á 37.581.102, J&K Petersen á 39.712.122, men við einum fyrivarni um prísin á byggitilfari, og tilboðið hjá MT Højgaard var á 39.833.959.

HOYR SAMRØÐUNA VIÐ BJARNA PRIOR, BORGARSTJÓRA.