Annað byggistig av skúlanum á Giljanesi liðugt

Annað byggistig av nýggja skúlanum á Giljanesi varð í gjár latið Vága kommunu.

Tað skrivar heimasíðan hjá kommununi.

Albert Ellefsen, virkandi borgarstjóri, fegnast um, at bæði tíðarætlan og kostnaðarmeting hava hildið.

Umframt vanligar skúlastovur, fevnir annað byggistig millum annað um ymisk serhøli, nýtt uppihaldsrúm til lærararnar og uppstiging av stovum til førleikamenning.

Skúlin á Giljanesi

Skúlin á Giljanesi

Frá vinstru: Albert Ellefsen, virkandi borgarstjóri og formaður í bygginevndini, Esben Jacobsen, Articon, Kem Weihe, Articon, Sunnvard Andreassen, Articon, Jóhan Sørensen, Articon, Jón Eli Jacobsen, SMJ, Bjarni Justinussen, SNA, og Jón Koytu Peteresen, LBF.

Liðugt til skúlabyrjan

Nakrir snøklar eru eftir, men væntandi verður tað mesta klárt, áðrenn skúlin byrjar aftur eftir summarfrítíðina.

Listakvinnurnar, Jana Jonhardsdóttir og Annika á Lofti, skulu listprýða skúlan.

Økið uttan um bygningin skal nú skipast av nýggjum, og tað verður væntandi gjørt, tá ið farið verður í heystfrí.

ByggifelagiðArticon hevur verið arbeiðstakari, og felagið Ráð hevur staðið fyri byggileiðsluni.

Skúlin á Giljanesi