Hvast orðaskifti í tinginum um Bústaðir

Hvast orðaskifti var í tinginum fyrrapartin, tá Elsebeth Mercedis Gunnleygsdóttir, landsstýriskvinna, svaraði tilsamans fýra munnligum fyrispurningum um støðuna í Bústøðum.

Tingfólk í andstøðuni funnust hvassliga at landsstýriskvinnuni, og Høgi Hoydal segði, at hon er í ferð við at syndra stovnin.

Tingfólk í samgonguni undraðust eisini á tað, sum er hent í Bústøðum seinastu tíðina.

Heðin Zachariasen í Fólkaflokkinum spurdi, um tað ber til at skifta stýrið út í ótíð, og formaðurin í tingbólkinum hjá Fólkaflokkinum, Christian Andreasen, segði, at uppskotið um starvsskipan fyri Bústaðir er óvanligt.

Elsebeth Mercedis Gunnleygsdóttir svaraði, at hon fer at góðkenna starvsskipanina, um hon er innan fyri lógarkarmin, men hon tvíhelt um, at tað eru stýrið og leiðsluna sum skulu finna stevið.

Heimild er ikki at skifta stýrið í ótíð, segði Elsebeth Mercedis Gunnleygsdóttir.

Hoyr innslag í útvarpstíðindunum.

 Bjarni Árting Rubeksen tók myndirnar í tinginum.

Bústaðir, starvsfólk í Búðstøðum

Ingilín D.Strøm

Bústaðir, starvsfólk í Búðstøðum

Høgni Hoydal

Brandur Sandoy

Edva Jacobsen, Sambandsflokkurin

Elsebeth Mercedis Gunnleygsdóttur

Bústaðir, starvsfólk í Búðstøðum

Bústaðir, starvsfólk í Búðstøðum