Landsstýrið roynir at demma fyri koronusmittuni lokalt

Landsstýri hevur seinnapartin sitið á fundi fyri at umrøða støðuna, nú smittutølini við korona økjast í stórum.

Støðan er íkomin í kjalavørrinum av mongu koronatilburðunum síðstu dagarnar.

Bara í gjár vórðu 89 korona-tilburðir staðfestir.

Harvið kom samlaða talið av smittaðum í Føroyum upp á 216. So nógv fólk í Føroyum hava ongantíð fyrr havt korona í senn.

Smittan er serliga í Norðoyggjum og í Eystur kommunu, og tískil verða Skúlin á Skúlatrøð í Klaksvík og Miðnám á Kamsdali stongdir.

Hoyr samrøðuna við Bárð á Steig Nielsen, løgmann.