- Tíðindi, mentan og ítróttur
Nón
Tað hevur verið spennandi og gevandi at myndprýða bókina "Abbi og eg og abbi".
Tað sigur Annika Øyrabø, sum herfyri fekk Barnamentanarheiðursløn Tórshavnar Býráðs fyri arbeiðið at myndprýða bókina.
Annika er føroyingur, men er uppvaksin í Danmark. Hon hevur tó ferðast nógv í Føroyum, og hevur fingið stóran íblástur til sítt yrki úr Føroyum.
Annika kennir persónliga til evnið, ið bókin snýr seg um, demens. Tí omma hennara fekk sjúkuna. Annika vísur á, at tað kann verða ringt hjá børnum at skilja, hvat hendir, tá sjúkan rakar. Samstundis kann tað vera torført bæði hjá børnum og vaksnum at seta orð á. Tí vónar hon, at bókin og myndirnar kunnu hjálpa at fáa í lag prát um sjúkuna og tær kenslur, sum standast, tá demens rakar.
Lurtið eftir longri samrøðu við Anniku, har hon fortelur um sína bakgrund, yrkisleið og arbeiði við bókini "Abbi og eg og abbi".