Løgmaður ætlar ikki at lata samfelagið aftur

Nýggjastu koronutølini vísa, at tað vóru 63 tilburðir staðfestir í gjár.

Tað merkir, at tað nú eru 705 fólk, ið eru smittaði við koronu.

Sjey fólk eru í løtuni innløgd við koronu.

Shahin Gaini, serlækni í infeksjónsmedisini á Landssjúkrahúsinum, sigur, at um talið av smittutilburðum ikki kemur niður á 10 til 20 um samdøgrið, so gongur galið.

Men Bárður á Steig Nielsen, løgmaður, heldur fast í teimum tilmælum, hann hevur fingið frá Farsóttarnevndini, og ætlar ikki at lata samfelagið aftur.