Varðin Pelagic krevur, at starvsfólk hava koronupass

Tað er eftir boðum úr Kina, at uppsjóvarvirkið Varðin Pelagic á Tvøroyri hevur gjørt av, at starvsfólk skulu vísa koronupass fyri at sleppa inn á virkið.

Bogi Jacobsen, stjóri á Varðanum Pelagic, sigur, at Kina hevur kravt, at eingin koronusmitta eigur at verða staðfest í sambandi við innflutning av fiski úr øðrum londum.

Hesi boðini hevur Heilsufrøðiliga Starvsstovan fingið, og fyri at flyta fisk út til Kina krevst ein heilsuváttan um, at eingin smitta er á virkinum.

Ein onnur grund at krevja koronupass er at verja seg fyri, at virkið ikki noyðist at leggja stilt av koronu. 

Hoyr samrøðu við Boga Jacobsen, stjóra, í útvarpstíðindunum.