- Tíðindi, mentan og ítróttur
Hava kært niðurstøður í málinum um útbygging hjá Varðanum Pelagic
Hava kært niðurstøður í málinum um útbygging hjá Varðanum Pelagic
Felagsskapurin "Livilig kor" undrast á, at Tvøroyrar býráð hevur givið byggiloyvi, meðan kæran verður viðgjørd. "Livilig kor" hótta við at melda
Fyri nýggjár handaði Kristin Michelsen, borgarstjóri, Ólavi Bjarkhamar, rakstrarleiðara á Varðanum Pelagic, byggiloyvi til nýggju protein- og lýsiverksmiðjuna.
Mynd: Tvøroyrar kommuna
02.01.2025 - 12:20
Leygardagin 28. desembur handaði Tvøroyrar kommuna Varðanum Pelagic byggiloyvi til nýggju protein- og lýsiverksmiðjuna á Tvøroyri, sum hevur verið á veg í tvey ár.
Men felagsskapurin “Livilig kor”, ið hevur mótmælt ætlanini og kært hana, skilir ikki, at byggiloyvi kann verða givið, uttan at øll neyðug loyvi eru til staðar.
“Livilig kor” bíða eftir nýggjum niðurstøðum frá Umhvørvismálaráðnum og Yvirfriðingarnevndini, men tað kann taka sína tíð.
Rósa Heinesen.
Felagsskapurin vísir millum annað á, at Yvirfriðingarnevndin ikki kann væntast at koma við nakrari niðurstøðu fyrr enn tíðliga í vár.
- Men fer nøkur bygging í gongd, áðrenn tær niðurstøðurnar eru komnar, verður tað meldað, sigur Rósa Heinesen, forkvinna í "Liviligum korum."
Hoyr innslag í útvarpstíðindunum:
02012025_Vardin_
Er kopiera
Nýggjastu sendingar í ÚV
Nýggjastu sendingar í SV
