Greiðar ábendingar um, at stolin peningur er hvítvaskaður í Føroyum

22.11.2021 - 12:20

Innlendis›Samfelag

Í fýra ár var peningur í miðafrikanska landinum Kongo fluttur á kontu hjá føroyskum flutningsfelagi

Uni Holm Johannesen

Barbara Holm

Jan Lamhauge

Aktivera javascript

Í dátulekanum, Congo Hold Up, er komið fram, at feløg við tøttum tilknýti til fyrrverandi forsetan hava flutt pengar úr ríkiskassanum í Kongo niður í egnar lummar.

Eru stolnir pengar fluttir til Føroya, so er tað hvítvasking.

Tað sigur løgfrøðingur um pengar, sum vóru fluttir úr stóra miðafrikanska landinum, Kongo, á kontu hjá føroyska flutningsfelagnum, All Oceans Logistics, frá 2013 til 2017.

Í dátulekanum, Congo Hold Up, er komið fram, at feløg við tøttum tilknýti til fyrrverandi forsetan hava flutt pengar úr ríkiskassanum í Kongo niður í egnar lummar.

Ein partur av rændu pengunum var síðani fluttir til Føroya. Føroyska flutningsfelagið, All Oceans Logistics, broytti navn í 2017, og eitur nú El Nino.

Felagið er farið í sjálvbodna likvidasjón.

Hoyr innslag í útvarpstíðindunum.