Ferðafólk hava rindað 30 mió. kr. fyri koronukanningar

26.11.2021 - 11:32

Innlendis›Politikkur

Í løtuni verða seks prosent av ferðafólkunum kannað við markið, og landskassin rindar fyri kanningarnar

Aktivera javascript

Tá øll skuldu kannast fyri koronu við markið, rindu fólk sjálvi fyri kanningarnar. Landskassin spardi umleið 30 milliónir kr., sigur løgmaður.

Mynd: Bjarni Árting Rubeksen

Tað spardi landskassanum góðar 30 milliónir krónur, at ferðafólk í fjør og fyrstu átta mánaðirnar í ár sjálvi rindaðu fyri koronukanningar við markið.

Tað upplýsti Bárður á Steig Nielsen, løgmaður, í løgtinginum í gjár, tá hann svaraði fyrispurningi frá Beintu Løe, løgtingskvinnu.

Í dag eru tað bara tey, sum ikki hava koronupass, ið skulu kannast við markið. Nú er tað landið, sum rindar fyri kanningarnar, og ikki ferðafólkini sjálvi.

Í løtuni eru tað bara seks prosent av ferðafólkunum, sum verða kannað við markið.

Hoyr innslag í útvarpstíðindunum.