![](https://kvf.fo/sites/default/files/styles/myndasavn-width/public/fakfelagsrorslan-19.jpg?itok=Y82GoxOf)
- Tíðindi, mentan og ítróttur
Dialysuviðgerð: Eingin avtala um sjúkrarøktarfrøðingar
![](https://kvf.fo/sites/default/files/styles/grein-ovasta-mynd/public/dialysa1_0.png?itok=m9wp9Y-H)
Tað er ikki rætt, at Felagið føroyskir sjúkrarøktarfrøðingar hevur gjørt avtalu við Fíggjarmálaráðið um sjúkrarøktarfrøðingarnar, sum skulu til Suðuroyar í sambandi við dialysuviðgerðina á Suðuroyar sjúkrahúsi.
Hetta kom annars fram í tíðindaskrivi frá Sjúkrahúsverkinum fríggjakvøldið.
Óluva í Gong, forkvinna í Felagnum føroyskir sjúkrarøktarfrøðingar. (Savnsmynd: Bjarni Árting Rubeksen)
- Trupulleikin er, at upplæring skal skipast aftrat vanligu setanaravtaluni, og tað ber bara til, um starvsfólkini góðtaka hetta. Tað gera sjúkrarøktarfrøðingarnir ikki, og tað tekur felagið fult undir við.
Tað sigur Óluva í Gong, forkvinna í Felagnum føroyskir sjúkrarøktarfrøðingar.
Hoyr innslag i útvarpstíðindunum:
Jan Mortensen, stjóri á lønardeildini í Fíggjarmálaráðnum sigur í stuttari viðmerking:
- Vit hava samskift við Felagið føroyskir sjúkrarøktarfrøðingar um eina loysn. Vit hildu okkum hava eina loysn fríggjadagin, men tað hevur ikki borið á mál.