Ætlanin at byggja kirkju við Sandá heldur fram

Kirkjuráðið á Argjun harmast um mótmælini móti staðsetingini. Men ætlanin at byggja nýggja kirkju við Sandá heldur fram óbroytt.

Tað sigur Sólrun Gleðisheygg, forkvinna í kirkjuráðnum fyri Argja kirkju.

Áhugabólkurin "Varðveiti fríøkið við Sandá" hevur savnað 1844 undirskriftir frá fólki, sum eru ímóti at staðseta kirkjuna í vakra lendið við Sandá, og hesar verða handaðar býráðnum mánadagin.

Sólrun Gleðisheygg sigur, at verkætlanin er komin so mikið langt, at kirkjuráðið hevur einki annað val enn at halda fast.

Hoyr innslag í útvarpstíðindunum.