SSL skal hava ræðisrættin yvir Herjólfi III

23.12.2021 - 17:30

Innlendis›Samfelag

Tað er ein serstøða, sum er uppstaðin, nú eitt slíkt skip er tøkt, sigur Hilmar Eliasen, stjóri í SSL, nú útlit eru fyri, at SSL keypir Herjólf III

Hallur av Rana

Aktivera javascript

Herjólfur III, sum SSL ætlar at keypa inn at hjálpa til á Suðuroyarleiðini

Hilmar Eliasen, stjóri í Strandferðsluni hevur nógv at frøðast um, aftaná at løgtingið í farnu viku samtykti fíggjarlógina fyri 2022.

Tí við samtyktu fíggjarlógina kann Strandferðslan nú halda fram við samráðingunum við íslendska stovnin Vegagerðin um keyp av skipinum Herjólf III, sum áður hevur røkt ferðamannasiglingina til Vestmannaoyggjar.

Harvið fær Strandferðslan bæði styrkt um Suðuroyarleiðina, ið hevur verið undir trýsti seinastu árini, og útvega eitt avloysaraskip fyri Smyril.

Ræðisrætturin eitt ivamál

Ein av orsøkunum til, at íslendingar eru áhugaðir at selja skipið til Strandferðsluna, er at teir harvið kunnu varðveita møguleikan at brúka Herjólv III sum eykaskip, tá nýggi Herjólv ikki er tøkur.

Men hvør hevur so ræðisrætt yvir skipinum, tá sølan er framd?

"Tað hevur SSL," sigur Hilmar Eliasen, stjóri.