Bara 63 prosent av makrelkvotuni er fiskað

At eingin avtala var gjørd við Bretland um fiskiskap, hevur gjørt, at ikki meir er fiskað, sigur Jan Arge Jacobsen, fiskifrøðingur á Havstovuni.

Í summar gjørdu Føroyar og Norra avtalu um, at Føroyar kundu fiska helmingin av føroysku makrelkvotuni í ár í norskum sjógvi. Talan var um 83.500 tons.

Og Noreg fekk rætt til at fiska somu nøgd í føroyskum sjógvi. 

Men vit megnaðu bara at fiska 105.000 tons tilsamans. 36.000 eru fiskað í føroyskum sjógvi, 28.000 í norskum sjógvi og 42.000 í altjóða sjógvi.

Í fjør var føroyska kvotan 107.000 tons, men í ár ásettu vit okkum eina kvotu upp á 167.000 tons, og tað var væl meir enn ICES og Havstovan tilmæltu.

At kvotan ikki er uppfiskað, ger at Føroyar nú standa í eini keðiligari samráðingarstøðu, heldur Jan Arge Jacobsen.