Vága floghavn skal útbyggjast til at kunna taka eina millión ferðafólk

11.01.2022 - 18:00
AktueltSamfelag
Vága floghavn skal útbyggjast til at kunna taka eina millión ferðafólk
Farstøðin í Vága floghavn skal fleirfaldast í stødd til tess at framtíðartryggja farstøðina, sigur Regin I. Jakobsen, stjóri. Fyrsta stigið er at útbyggja viðførisrúmið
Ferðafólk sita stúvað saman. Ein vanlig sjón á flogvøllinum í dag, men tað skal vera øðrvísi í framtíðini, tí ætlanin er at útbyggja farstøðina munandi

Nú skal vera nóg mikið við at standa kroyst saman í bæði farstøðini og viðførisrúminum á Vága floghavn.

Vága floghavn arbeiðir við einari ætlan at útbyggja farstøðina, sum hon kann klára at taka ímóti einari millión ferðafólkum um árið.

Útbyggingin skal brynja Vága Floghavn til framtíðina, nú ferðafóklatalið aftur byrjar at líkjast tí, sum tað var áðrenn Covid-19 farsótti fór at herja, sigur Regin I. Jakobsen, stjóri.  

 

Tríggjar ferðir so stór

"Farstøðin var í grundini ov lítil longu tá hon stóð liðug, tí hon varð bygd til væl smærri flogfør, meðan tey nýggju flogførini eru nærmast dupult so stór."

Støddin á farstøðini, tá hon stendur liðug, skal vera tríggjar til fýra ferðir tað, hon er í dag.

"Tað sigur seg sjálvt, at teir 3000 fermetrarnir, sum vit hava í dag, eru ov lítið til 400.000 ferðafólk. Skulu vit kunna taka ímóti einari millión ferðafólkum, so kunnu fólk bara ganga støddina upp, og tað er tvær og eina hálva ferð so nógvir ferðmetrar, ið skulu til," staðfestir Regin I. Jakobsen, stjóri. 

Útbyggja viðførisrúmið

Fyrsta stigið er at útbyggja viðførisrúmið, sum skal vera dupult so stórt sum tað er í dag. 

Stóra útbyggingin skal fíggjast við láni, sigur stjórin, sum ikki ætlar at hækka flogvallargjaldi, hóast stóru útbyggingina. 


 
Er kopiera

Tak niður

Nýggjastu sendingar í ÚV
Hósdag 26. mai
Skriftin á vegginum
140070
Mikudag 25. mai
Kvørnin: Trý føroysk stakløg
140145
Mikudag 25. mai
LEITISSTEIN 24.04.2022
140144
Mikudag 25. mai
Nón 25. mai 2022
140137
Mikudag 25. mai
Breddin - Fangi hjá Islamskum Stati
140117
Nýggjastu sendingar í SV
Mánadag 23. mai
3-2
140037
Sunnudag 22. mai
Andaktin
139968
Sunnudag 22. mai
Guðstænasta í Elduvíkar kirkju
139969
Hósdag 19. mai
Sært tú meg 2:3
139885
Mánadag 16. mai
3-2
139731