Stórur dagur hjá ítróttarfólki

Elias Ellefsen á Skipagøtu er Ársins ítróttanavn 2021.
Tað gjørdist greitt til ítróttarfagnaðin, sum ítróttarsamband Føroya skipaði fyri í gjár.
Elias Ellefsen á Skipagøtu hevði eitt hendingaríkt 2021 - hann vann svenska meistaraheitið í handbólti við Sävehof, og spældi síðan í Evropa League. Hann spældi HM endaspæl fyri U20 í Portugal og hann spældi sínar fyrstu dystir fyri føroyska A-landsliðið, har hann skoraði tilsamans 12 mál.
Elias sjálvur hevði ikki møguleika at verða við til tiltakið í gjár, tí hann var upptikin í steypafinalu í handbólti í Svøríki.
Pápin, Jens á Skipagøtu sum eisini er kendur innan hondbóltin í Føroyum, tók ímóti heiðrinum fyri sonin.

Tað var dagur í viku, hjá Eliasi, sum umframt at gerast Ársins ítróttarnavn, eisini gjørdist svenskur steypavinnari, eins og hann í tí dystinum varð kosin dagsins leikari. 

Ársins ítróttarstjørnuskot gjørdist Elisabet Erlendsdóttir, svimjari úr Havnar Svimjifelag. 
Ársins ítróttaátak gjørdist Fótbóltsskúlin við Stórá. 
Ársins ítróttarfelagsskapur, Føroya styrkisamband. 
Ársins ítróttarfyrimynd, Brynjar Poulsen, fótbóltsvenjari í Hvalba. 
Og Heiðursskjal Poul E. Petersen, fekk Jákup Mortensen, fyri sítt drúgva arbeiði fyri NSÍ.